囍宴 東‧丰 (已結業)

无论新派菜还是旧派，只要煮得好食，就可以啦。通常黎囍宴都系食甜品，呢到甜品有一定水准，加上食完正餐过黎，而且通常都有位。黎左太古城睇戏，simply life，王家沙人太多，见未食过呢到正餐，于是黎左呢到。环境同其他分店很一致，环境格局都好舒适。睇下餐牌，款色唔少，有d菜有供应少份量，两个人可以试多一点。冷盘要左皮蛋豆腐，汁够浓，很醒胃既前菜，豆腐切得唔错，好刀功。要左个招牌炭烧猪颈肉，卖相似叉烧多一点，睇黎亦系似酱烧多一点。食落口，太甜，甜味盖过哂d肉味，比佢d自家甜品做得更甜。南乳鸡翼，冇南乳味，只有油味。卖相似炸鸡店既辣鸡翼，对此菜有点失望呢。担担拉面，是捞的。面唔多爽，看来还是传统担担面较为对胃口。牛肝菌狮子头，只系记得系好清既一味𩠌。甜品要左牛奶雪糕配苹果，甜品水准很好，做得唔错，很可口。食完觉得伙头师傅煮新派野煮到有d走火入魔。甜品保持水准，做得唔错。那位经理及门口男侍应叫极都唔应，服务那2分只给那位有礼既女侍应。埋单每人180，不便宜，我想还是来食甜品好了。