瑞士餐廳 (已結業)

话说前排朋友请食生日饭🥰试咗呢间新开无耐嘅瑞士菜餐厅Le Farinet，系天后新食厦金轮天地楼上，一出䢂就感受到满满嘅瑞士气息🇩🇰有啲去瑞士旅行嘅感觉～门口有牛牛公仔、酒桶、入面仲有部钢琴等好有瑞士特色嘅摆设，萤幕亦播放住瑞士风光嘅片段，加上半开放式厨房，好似去咗瑞士小餐馆咁，几特别😎西餐就食得多，瑞士菜系香港真系比较少有，呢度有signature嘅瑞士芝士火锅、芝士拼盘、牛扒、火腿等瑞士菜式，仲有啲意粉可以选择。黑糖面包每枱先嚟个黑糖面包，唔系净系Outback先有架🤪面包甜甜哋几松软，牛油都唔错。巴塞尔式洋葱汤同想像中或者食开嘅法式洋葱汤好唔同，饮落比较似牛肉芡汁嘅感觉，甜甜地质感浓稠，不过洋葱就冇乜甜味，我都系prefer法式洋葱汤多啲😂瑞士风干肉拼盘有四款火腿，根据颜色深浅知道味道浓郁度，由浅到深食起，每款都唔错，最好食系上面中间个款牛肩肉，肉味浓郁😗瑞士芝士火锅（蘑菇、瑞士牛仔肠）嚟到最吸睛嘅主菜🤩芝士火锅下面有蜡烛保持温度，望落好似好少芝士酱不过其实好够点。火锅本身包埋面包粒，牛仔肠同蘑菇就另外加，仲可以拣加薯仔或者肉类，不过两款都够晒饱🤰🏻芝士加埋白酒去煮，白酒味比较浓