影片
更多
2023-05-28
851 浏览
同妈咪庆祝母亲节，梗系食返餐好嘅庆祝，成家都指意foodie(我)去揾😂经过一番搜罗之后见到呢间几啱心水，就经OpenRice book咗餐厅好有心，送每个母亲一碟海鲜拼盘❣️另外仲有特别母亲节菜单👩🏻▶️ 海鲜拼盘 有虾有青口有田螺有蚝🦪全部大大只，好阔绰冻食好开胃🧊本身冇咩味道，所以要点旁边嘅茄汁海鲜唔算好好食，不过送嘅就冇所谓啦▶️ 欧陆式前菜小食卖相精致，似fine dining蕃茄莎莎将切碎咗嘅蕃茄混入紫洋葱同香草🧅酸酸地又攻鼻，可以开味蕾薄到好似纸咁嘅青瓜上面搽上cream cheese再放上一片烟三文鱼烟三文鱼好食，少少咸香带啲烟熏味不过cream cheese同青瓜就麻麻哋，唔知点解有少少怪味😅▶️ 98% 野菌忌廉汤呢个汤劲啦，用上八种野菌去煮，所以话系98%野菌🍄果然每啖都系蘑菇碎🤩超香蘑菇味同好有质感汤嘅杰度啱啱好，加入适量嘅忌廉令佢少少creamy但唔heavy另外都落咗啲香草来增加香味可以话暂时饮过最好饮嘅蘑菇汤👍🏻仲要附送餐包，有两款味道：罂粟籽／燕麦焗到外皮少少㶶，黎到仲出紧烟♨️咬落外脆内软，似法式baguette，入面咬到少少麦粉粒而且包肉有嚼口可以搽牛油🧈我自
经过一番搜罗之后见到呢间几啱心水，就经OpenRice book咗
餐厅好有心，送每个母亲一碟海鲜拼盘❣️另外仲有特别母亲节菜单👩🏻
▶️ 海鲜拼盘
有虾有青口有田螺有蚝🦪全部大大只，好阔绰
冻食好开胃🧊
本身冇咩味道，所以要点旁边嘅茄汁
海鲜唔算好好食，不过送嘅就冇所谓啦
海鲜拼盘
15 浏览
0 赞好
0 留言
▶️ 欧陆式前菜小食
卖相精致，似fine dining
蕃茄莎莎将切碎咗嘅蕃茄混入紫洋葱同香草🧅酸酸地又攻鼻，可以开味蕾
薄到好似纸咁嘅青瓜上面搽上cream cheese再放上一片烟三文鱼
烟三文鱼好食，少少咸香带啲烟熏味
不过cream cheese同青瓜就麻麻哋，唔知点解有少少怪味😅
欧陆式前菜小食
17 浏览
0 赞好
0 留言
▶️ 98% 野菌忌廉汤
呢个汤劲啦，用上八种野菌去煮，所以话系98%野菌🍄
果然每啖都系蘑菇碎🤩超香蘑菇味同好有质感
汤嘅杰度啱啱好，加入适量嘅忌廉令佢少少creamy但唔heavy
另外都落咗啲香草来增加香味
可以话暂时饮过最好饮嘅蘑菇汤👍🏻
仲要附送餐包，有两款味道：罂粟籽／燕麦
焗到外皮少少㶶，黎到仲出紧烟♨️
咬落外脆内软，似法式baguette，入面咬到少少麦粉粒而且包肉有嚼口
可以搽牛油🧈我自己钟意点汤食，呢个combo好正❣️
98% 野菌忌廉汤
15 浏览
0 赞好
0 留言
▶️ 炭烧素汉堡扒配香煎鲈鱼 伴炭烧洋葱焗大啡菇 ($348)
卖相冇其他主菜咁靓仔，欠缺少少色彩🙈不过相当丰富
鲈鱼几大条，煎到鱼皮香脆，加咗盐去腌，旁边仲有专配鱼柳嘅tartare沙律酱，够晒味🐟肉质偏实正唔松散
素汉堡扒质感或味道根本同真正汉堡扒冇分别🤯唔讲唔知，似肉丸或者猪柳蛋汉堡个猪柳🐷
炭烧素汉堡扒配香煎鲈鱼 伴炭烧洋葱焗大啡菇
$348
26 浏览
0 赞好
0 留言
侍应即场耍咗啲粉红色嘅岩盐落去，然后上面已经有啲酱料，加上素肉本身已经加咗调味，所以觉得太咸🫣
大啡菇冇想像咁「大」，不过几juicy，入面仲扬咗紫洋葱碎
🥗伴菜有大量幼身芦笋，切到好短嘅豆豆，煮到冧晒嘅翠玉瓜同黄椒，沙律菜，全部用油炒香过
几特别系个炭烧洋葱，烧到㶶㶶哋，食落似薯仔口感，十分香口
▶️ 意式马赛海鲜饭 ($308)
呢个食到一半先影🤣
海鲜饭系paella，同risotto有少少分别
饭比较大粒，食落似未煮熟生生地，但又唔硬，粒粒分明，口感得意👍🏻呢个就系佢嘅特质
材料丰富：有大虾、带子、青口、灯笼椒🦐
米饭索咗海鲜汁，味道够浓郁，好香龙虾沟番茄味，钟意佢唔水汪汪
呢个应该系今日嘅「VIP」，超推介大家叫🌟
意式马赛海鲜饭
$308
14 浏览
0 赞好
0 留言
▶️ 烧美国猪肋骨配烧烤汁 伴蒜蓉香草酱薯角 ($318)
成大嚿猪肋骨咁上！见烧得唔错而且几多肉咁
▶️ 饮品
可点茶/咖啡
为免夜晚瞓唔着，叫咗杯热柠水
食到尾先上，可以配甜品饮，酸酸苦苦嘅味减低甜滞感🍋
▶️ 是日甜品
今日系抹茶芝士蛋糕😍啱晒我心水
上面个抹茶芝士超重抹茶甘苦味💚Cream cheese够实身，带啲芝士咸味，令成个蛋糕冇咁甜
下面薄薄一层海绵蛋糕，感觉light啲，好过用曲奇饼底，唔会抢咗抹茶芝士味
旁边仲有红豆蓉同无花果
是日甜品
6 浏览
0 赞好
0 留言
-
整体食物几有水准，摆盘同调味落足心事，配搭亦相当唔错👍🏻 (唯一系朋友叫嘅冇咁出色)
服务OK，感觉几high class，主动埋嚟斟水
我估系家庭生意？见到有个大概15岁嘅男仔帮手👦🏻个老板超nice，会同客人有讲有笑，临尾又主动帮我哋影相
我哋自己再买咗蛋糕，餐厅都冇收切饼费
上菜有次序，见你食完一度先上另一度，不过可能因为母亲节忙碌，上菜比较慢 (尤其主菜，唔系同一时间上，我𠮶份等得最耐，𠮶阵爹哋已经食完佢𠮶份😂)
环境气氛冇得顶，话明梵高主题，周围都系梵高画作，非常有艺术气息，犹如置身梵高博物馆🎨
仲有钢琴表演，一路听住古典音乐一路食饭，颇有气氛，用嘅灯光有大会堂睇concert feel🎼
因为系楼上餐厅，所以旺中带静😌尤如进入咗另一个世界 (梵高的世界)
今晚满座但因空间感够而唔嘈，可以舒服同屋企人倾谈
价钱合理，埋单大概$400/ 人，已经食到丰富嘅六度晚餐❤️佢啲份量唔系fine dining size而系大大份足料嘅，食完真系捧住个肚返屋企🤰🏻
加上明明今日系母亲节，但佢个母亲节Menu冇特别set贵，比起同类餐厅冇咁进取
我哋喺估歌仔游戏赢咗将$200现金卷，可以下次食晚餐用😌系一间值得回头嘅餐厅
(大家快啲save低等下次父亲节或者同另一半庆祝食，包有惊喜！斋论内在环境都赢咗)
*全部图片由本人拍摄*
张贴
