Séan Cafe (已結業)

女士必到打卡既Café，成间以花做主题，如果中意花既女士黎到一定好开心兴奋，男士系呢啲时候又系化身专业摄影师既时候。Café内外座位唔算多，但内里装饰好用手，十分多花既摆设，仿如入左花花世界。食物选择晚餐有SET，由$78-$228不等，亦有散叫，今日到此系食饭后甜品，所以就冇试到佢既主食。玫瑰班戟　$78摆盘精美，女士们一定见到就心心眼同埋不停用手机影相，班戟份量唔算大，以两片班戟中间夹住一层Cream，而班戟之上都系仲有一大陀Cream，叫得自己做玫瑰班戟当然系以玫瑰味为主，原来Cream系就玫瑰味，玫瑰味几出而不甜，比较清新，唔似平时食既班戟咁浓味，Cream亦都打得好幼滑，不过Cream食太多会觉得腻。玫瑰鲜奶咖啡 $42又系女士喜欢既打卡饮品，成SET都系粉红色，再加上放上玫瑰花做装饰同埋有榛子佐口。一饮玫瑰花香味十分出，唔算太甜，不过由于都系用玫瑰糖浆冲出黎，味道始终有啲糖水味。整体食物好用心去摆盘，食物质素都OK，唔会只系得个样，带女朋友黎一定可以哄到佢开心，一间用心经营同时又顾及爱打卡一族既Café。