高高酒家 (已結業)

一早订左枱于某星期日晚上6:30pm, 入到去讲番订枱资料，店员望都无望张订枱纸(佢成张订枱纸贴在柱位当眼处，我一眼就望到自己个booking)。就话你呢个人数，上楼上啦。但明明地下呢层只得两枱客。原来佢间店系𠮶种夹硬于楼顶加个好矮嘅阁楼𠮶d。上到去，另一个店员问我地几位，然后叫一枱已经开左茶准备叫𩠌嘅客座另一张细d嘅枱，然后我地座人地呢张，明显座位安排完全乱黎。全层座位好迫，头先被转枱嘅客系要对正部分体式冷气个出风位食饭，部冷气系近到就在座底后嘅头顶位，佢地狂话冻，但可能心知大家都靠呢部冷气，佢地完全无要求熄细d或其他，好伟大。我同后面张枱个客系互相肩并肩而唔系背对背，有枱客直头系要座入一个楼顶系斜三角突出黎嘅货仓位，都几离谱！讲番食物，以为佢个脆猪手好出名系必试，点知，落完单唔够一分钟已出菜，已心谂不妙，结果皮韧完全唔脆。😖😖其他𩠌菜不值一提，全部都好油，成晚唯一好味嘅系冰镇咕噜肉。食到后期，大概系我地入座后一个钟左右，见有顾客同店员交渉，然后望住我地张枱，跟住老板亲身上黎，话唔好意思，然后攞左我地张食物咭，签个字，然后话免晒我地叫嘅白饭，话唔好意思，对唔住，然后攞左我地张单去埋单