和拉麵

营业中

休息中

今日同朋友好早到大埔揾饭食，一直bookmark咗嚟间黄店拉面。反正咁早到又抱住唔洗排队嘅心态就决定试吓"和拉面"。"和拉面"营业时间系六点开始，我同朋友六点三到已经要等四张枱！真系不愧系💛店 门口装饰都几似喺日本见到果啲拉面小店。门外仲有冰水俾客人一路等一路饮，真系好细心~ 今日适逢系礼拜日，等嘅人应该比平时多，终于等左廿分钟就入到去！我哋系门口已经谂好写低埋想食啲乜。第一次去到梗系要食啲原汁原味嘅拉面。我叫咗个特浓豚骨原味拉面。拉面唔洗三分钟就上枱啦~ 一饮落个汤底真系好浓厚，应该真系用咗好多个钟嚟煮啲汤，饮完个咀边都会痴立立。汤亦唔会好咸，所以都可以尽情饮。拉面部份我反而觉得一般。虽然已经拣咗硬面但系都系觉得可以再硬多少少，同埋私心觉得如果可以拣粗啲嘅拉面会更加夹。我食食下先醒起因为叫咗嘅拉面汤都只系主要用豚骨煮嘅，所以就少咗味道上嘅层次。个汤又冇乜蒜味，如果有得自行加磨咗嘅生蒜应该会更加好味同解腻。其他配料都冇乜特别。玉子系半熟流心但系得半只而且冇乜酱油味。叉烧都算有心思，系有火炙过嘅，一碗拉面只有两块亦唔算大旧。整体上，拉面味道都只系中规中矩。但系香港真系有好多好好食嘅拉面