Rakuraku 樂拉麵 (康怡廣場北座) (已結業)

去太古行街，一直都以为太古附近啲餐厅食物品质应该都唔会差得去边，见到日本拉面就走入去试试。中午时间去，我叫咗个"石头锅龙虾汤海鲜泡饭"，见到主要得3个饭，应该系主打菜，点都会ok，但系点知个饭好淡味，海鲜好少，汤冇味，饭泡到"粘"嗮，完全唔好食。我身边嘅人点了"樱花虾龙虾汤拉面"。网上见啲人话值得一试，点知汤系有味嘅，不过唔系好味，樱花虾香，但系冇肉食，个叉烧定系唔知咩肉，都好淡，一句讲嗮我唔会再嚟。最好食嘅竟然系前菜嘅沙律。系对面仲要坐咗一家三口，个小朋友得4、5岁，个妈妈不停咁教训个仔，要佢食野，可怜个小朋友，啲食物质素咁差，唔想食仲要被啊妈逼同闹，唔食唔得。搞到我哋都食得唔安宁。