海港酒家

营业中

休息中

终于放宽限聚令，久违了的11人生日聚会，试咗$2298超值全包宴，价钱好吸引，似乎好抵。环境比始创中心分店阔落，我哋比较早食饭，所以当时唔算太多人，食物好快上枱，一碟接一碟、速度都算快，我哋食嘢快问题唔大、如果你食嘢比较慢，真系分分钟冇位摆，上菜姐姐大部份都好好礼貌，但有一个半个就态度麻麻。包两支大啤酒同埋两渣雪梨汁、都几清润，另外叫咗两个小食，黄金炸鱼皮同埋斋鸭，$38款，两款又平又好食，主菜：乳猪唔算太肥皮够脆，蟹肉焗虾球伊面；虾球合格但比较细，蟹肉好似系煮芡汁出嚟，所以唔多觉蟹肉，伊面正常，但整体味道太淡，西兰花带子花枝片：西兰花炒得啱啱够火喉，带子同花枝片都合格，鸡汤花胶煲螺头：味道适中，都见到有花胶同螺头，汤渣有半只鸡，仲有好多鸡脚，花菇扣鹅掌：花菇大大只，鹅掌好腍，生菜底够多又好味，清蒸龙趸班：我唔食鱼，屋企人话条鱼够大，但蒸过咗时间，变咗肉质鞋浪费咗，金瑶扒豆苗：瑶柱足豆苗靓，大碟又好味，松露酱烧鸡：肉嫩皮脆，最后上埋大寿包，分两种味，奶黄同莲蓉，够晒大个，面包好松软好味。整体食物质素合格，而且啲菜全部都新鲜份量又够多，价钱超值，净系条鱼失手，浪费。