哥登堡餐廳

营业中

休息中

上星期到土瓜湾做野，之后同同事喺附近揾食，见到哥登堡餐厅门口嘅餐牌，午市套餐好平，大约$45至$48，超值铁板餐套餐$75，另外有一个铁板套餐$120，下午茶时段仲平。哥登堡餐厅系一间旧式西餐厅，我好耐冇食过旧式嘅铁板餐，所以入去试吓。里面装饰好古旧，系传统嘅港式西餐厅。我哋点左以下套餐： 铁板套餐牛扒$120，相对起佢哋好平嘅午餐，我系期望$120嘅铁板餐一样超值，可惜，无惊喜，牛扒尚算腍身，但冇乜牛味，好彩有佢个黑椒汁调吓味。吉列猪扒配杨州炒饭$45， 吉列猪扒系几好食，但系个杨州炒饭就唔系咁掂，求求其其，当然一分钱一分货，唔可以要求太高。 罗宋汤系一般港式西餐厅嘅味道，系我钟意嘅味道，所以我觉得好饮。另外佢哋啲套餐可以选择红豆冰唔使加钱，如果无乜要求，喺香港能够用$45-$50 嘅价钱食到咁多野真系好抵，好过去快餐店食啲一早煮好嘅食物。