小明珠

营业中

休息中

晏昼做完嘢经过牛头角呢头，见到呢间上海菜馆睇落好正宗，好多客饭选择，而且仲包例汤同豆浆，既然咁抵食就一于试吓。三鲜汤年糕份量好大碗，除咗上海年糕之外，入边有虾仁、冬菇、金华火腿同小白菜，够晒丰富，而且汤底浓味之余又唔会太咸，想食啲暖笠笠嘅嘢就最适合不过。回锅肉饭回锅肉真系令我有惊喜嘅感觉，分量多之余，调味十分惹味，肉同菜嘅比例各占一半，客饭可以食到咁高质嘅回锅肉，值得多啲嚟食！招牌小笼包既然系招牌，就一定要买来试吓，虽然皮唔算好薄，但系口感依然高质，馅料亦都好出色，而家仲做紧优惠每日1:30到3:00可以享有优惠$10两只， 非常抵食！上海春卷春卷每条都好够份量，外皮香脆，入边菜嘅比例比较多，所以唔会太漏太油腻。