彩福皇宴 (已結業)

今日系铜锣湾行到夜晚，食饭想食中菜，谂起彩福皇宴，就同朋友去左食。去到都到左食饭时间，所以都几多人，但我地都算好彩，唔洗等位就坐底左。呢间装修都好靓，以蓝色为主，望落感觉好清新干净。我地2个人叫左一个炒四季豆，一份叉烧，每人一个饭。个四季豆系炒得超野味，超香，虾干都好入味，送饭一流。平时食四季豆都会惊好油，但呢个真系唔油，食哂成碟都无罪恶感！而个叉烧又系好岀色，叉烧个汁好够，入哂味，叉烧肥瘦刚刚好，唔会流。个叉烧汁用嚟捞饭真系食十碗都得呀！彩福皇宴唔系第一次食，都几肯定佢食物嘅质素有翻咁上下，想食中菜小炒嘅又想坐得舒服，真系可以考虑呢间！