潮龍園

营业中

休息中

约咗去朋友屋企烧嘢食，出发买嘢前先同另一位朋友食碗面打打底我拣咗牛三宝米粉配韭菜饺，朋友就拣咗个崩沙腩河粉配牛筋。呢度店员介绍试下个有骨脆鱼皮，我哋之前都冇试过就决定试下。等嘅期间见到有好多人嚟买生料（听佢地咁嗌，即未煮外卖走），对我哋嘅食物更加期待！等咗阵我哋嘅食物就准备好喇，睇见都好开胃，舐舐脷！我个牛三宝有牛筋，牛肚同牛腩，份量十足，配埋非常新鲜嘅韭菜饺，好味道。 牛三宝炆得够淋够入味，牛肚淋得嚟又咬口，牛腩肥瘦得宜，当然同朋友嘅崩沙腩畀就佢𠮶个再好味啲，但系我呢个牛腩都相当唔错！牛筋大大条，米粉亦都好多，真系丰富又饱肚。朋友个崩沙腩河粉虽然贵过一般牛腩，但真系超值，量多唔讲，系个质素，牛有肉香味，又有脂肪连住，咬落去嫩嫩油香，又系大大碗，再加大大条嘅牛筋，饱到我地都唔知之后仲烧唔烧到野食最后要赞下个有骨鱼皮，比起一般无骨鱼皮更好食，劲脆，脆得夸张，鱼皮个种香味更香浓，系无咁吸汤，所以更脆，唔系周围有得食，所以值得推介！