野郎Stone Ya Rou Stone

营业中

休息中

前几日行一田行到有啲肚饿，就决定系入面餐厅买个外卖。见到呢间嘅牛肉好吸引，而且外卖仲有折，于是就买黎试下啦。生姜豚肉饭（$44）一打开见到个份量都唔算少，几多肉同洋葱，而且仲有饭素都几惊喜。生姜烧好多汁，不过食落觉得好浓味，系会越食越咸嘅，所以如果食开淡口味嘅可能会麻麻地。咖喱牛舌饭（$38）咖喱牛舌饭价钱几平，而且份量都几多，有好多块牛舌同蔬菜配料。啲牛舌煮得好软好好味。以日式咖喱黎讲呢款算系辣咖喱，同埋入面嘅洋葱系生洋葱，所以会越食越辣。芝士和牛汉堡扒（免费！！）其实本来想叫芝士和牛汉堡扒饭，但咁啱见到隔黎贴住张poster话下载个app会送一块和牛汉堡扒，即刻用app黎试下。本来以为免费送嘅汉堡扒会好细块，点知一见到个size吓亲，真系好大块，有成只手掌咁大，而且仲好厚！入面有啲洋葱，食落口感同味道都几香。不过可能因为太大块，入面唔系好熟、生生地，食落仲有少少冻，要自己再煎下先好啲。整体黎讲三个外卖都偏重口味，但以呢个价钱黎讲算几好。买嘅时候店员有讲返大概需要15分钟左右，系一田行一阵再返黎拎就啱啱好啦。