天天海南雞飯 (Fashion Walk)

营业中

休息中

今日好想食新加坡菜，突然谂起呢间位于铜锣湾京士顿街嘅天天海南鸡，就坐言起行，即刻订枱食个晚饭。🥢 天天烧鸡呢碟烧鸡好大份，鸡嘅外皮烧到好脆口，而里面嘅鸡肉重好滑嫩，配埋豉油膏、姜蓉、辣椒酱等配料，更能提升鸡味。🥢 砂锅新加坡黑胡椒罗氏虾粉丝首先会有个热炉暖住个煲，诚意感十足。打开煲盖，4只超大罗氏虾铺在香喷喷嘅粉丝上，罗氏虾嘅肉质好弹牙兼鲜嫩多汁，吸收咗黑胡椒嘅香味，好味到难以形容。而粉丝够晒软糯又富弹性，每一口粉丝都满满虾肉和黑胡椒嘅香气。🥤龙眼冰呢杯龙眼冰够晒清甜润喉，而且里面重有多粒龙眼果肉，感觉好正。🥤恐龙美禒非常浓郁嘅冰冻美禒，上面加咗一层厚厚嘅美禒粉，更加浓郁美味。🥄 芒果糯米饭呢个甜品系即叫即整，够晒新鲜，糯米饭够软糯可口，配埋清甜多汁嘅芒果肉，作为这顿饭嘅完美结束。