影片
更多
2021-09-19
93 浏览
今日去机舖打咗全日机，成身又攰又肚饿，于是就揾返间放题食到回本为止，见到呢间餐厅几多花款又适合我地，就直接上去食返餐，做好安心出行同埋量体温就安排入座！多花款嘅意思就系餐厅可以比食客先选择食鸡煲后加汤然后打边炉，又或者拣一个特色汤底直接打边炉，佢总共都有成九款汤底比食客选择，比较有特色嘅就有芫荽汤底、蕃茄汤底又或者麻辣鸭血汤底等等，但由于我哋都系钟情于鸡煲，所以唯有放弃以上嘅汤底。鸡煲一上枱就闻到好浓嘅香味，鸡件量多，肉质都较为嫩口，而佢哋嘅鸡煲较少鸡汁，令鸡肉变得更加入味，因为较为干身嘅关系，建议食鸡煲嘅时候熄火以免痴底！除咗鸡件外，仲有好多其他嘅配菜，而最令我印象深刻嘅就系翠玉瓜，瓜肉鲜甜爽口而且吸尽鸡汁嘅精华，相当美味！再嚟就系加汤打边炉，佢哋嘅火锅配料都相当之多，肥牛丸类海鲜蔬菜面等等应有尽有，食材嘅取材新鲜而且种类繁多，一定满足到唔同口味嘅人士！仲有仲有就系出面嘅吧枱，有好多其他嘅餐前小食、寿司、甜品同埋嘢饮等等，当中刺身较为推介剑鱼，剑鱼虽然带少少腥味但食落口相当之肥美，比起三文鱼更加突出！甜品就较为推介桂花糕同埋芒果布甸，甜品嘅甜度普遍适中而且份量唔大，等大家可以试多几款
多花款嘅意思就系餐厅可以比食客先选择食鸡煲后加汤然后打边炉，又或者拣一个特色汤底直接打边炉，佢总共都有成九款汤底比食客选择，比较有特色嘅就有芫荽汤底、蕃茄汤底又或者麻辣鸭血汤底等等，但由于我哋都系钟情于鸡煲，所以唯有放弃以上嘅汤底。
鸡煲一上枱就闻到好浓嘅香味，鸡件量多，肉质都较为嫩口，而佢哋嘅鸡煲较少鸡汁，令鸡肉变得更加入味，因为较为干身嘅关系，建议食鸡煲嘅时候熄火以免痴底！除咗鸡件外，仲有好多其他嘅配菜，而最令我印象深刻嘅就系翠玉瓜，瓜肉鲜甜爽口而且吸尽鸡汁嘅精华，相当美味！再嚟就系加汤打边炉，佢哋嘅火锅配料都相当之多，肥牛丸类海鲜蔬菜面等等应有尽有，食材嘅取材新鲜而且种类繁多，一定满足到唔同口味嘅人士！
仲有仲有就系出面嘅吧枱，有好多其他嘅餐前小食、寿司、甜品同埋嘢饮等等，当中刺身较为推介剑鱼，剑鱼虽然带少少腥味但食落口相当之肥美，比起三文鱼更加突出！甜品就较为推介桂花糕同埋芒果布甸，甜品嘅甜度普遍适中而且份量唔大，等大家可以试多几款！最后就系饮品区，饮品数量真系好多，而且有啲款式唔系香港常见嘅，仲有就系有好多唔同品牌嘅支装啤酒，饮多两支都真系随时回本，佢哋仲会提供埋冰杯比顾客，相当之细心！
张贴
