影片
更多
2024-04-26
30 浏览
又系happy Friday ！两个人想打边炉，又想食多啲唔同款式，食火锅放题就啱喇。所以我哋就去咗初心，食佢哋150分钟嘅鸡煲火锅放题。舖头好多卡位坐，就算唔系卡位其他位置都好阔落舒适，环境干净。三文鱼刺身（限量-非任食）：油脂丰富。三文鱼片厚切，有咬口。宫廷小食（任食，每天五款）：今日系凉拌云耳，松露虾多士，椒盐三文鱼头腩，红酒乔头渍同埋麻辣鸭血。五款入边我最钟意系麻辣鸭血同埋松露虾多士。鸭血唔会一夹就散，麻辣味香。松露虾多士炸得松脆。三款热食上枱嘅时候都仲热，好有诚意。鸡煲（任食）：鸡煲入边有鸡件，猪皮同埋腐竹。调味惹味。职员帮我哋控制鸡煲开盖嘅时间，所以食嘅时候唔会Overcook ,鸡件仍然juice. 欣赏佢个猪皮，有一定嘅厚度，咬落带点弹牙但又唔系硬𠮶只，同埋吸收晒酱汁嘅精华。澳门猪骨火锅汤底：食完鸡煲，职员帮我哋换咗一个宫廷火锅。汤底有四/五大嚿猪骨同埋好多粟米，胡椒味好香。火锅配料（除海鲜拼盘系限量-非任食，其他全部都任食）有好多选择，当中我觉得最推荐既系以下items:- 海鲜拼盘：海虾，鲍鱼，鱿鱼，翡翠螺，蚝，龙趸片同埋大蚬。啲海鲜都好新鲜，当中最欣赏海虾，龙趸片
又系happy Friday ！两个人想打边炉，又想食多啲唔同款式，食火锅放题就啱喇。所以我哋就去咗初心，食佢哋150分钟嘅鸡煲火锅放题。
舖头好多卡位坐，就算唔系卡位其他位置都好阔落舒适，环境干净。
三文鱼刺身（限量-非任食）：油脂丰富。三文鱼片厚切，有咬口。
宫廷小食（任食，每天五款）：今日系凉拌云耳，松露虾多士，椒盐三文鱼头腩，红酒乔头渍同埋麻辣鸭血。五款入边我最钟意系麻辣鸭血同埋松露虾多士。鸭血唔会一夹就散，麻辣味香。松露虾多士炸得松脆。三款热食上枱嘅时候都仲热，好有诚意。
鸡煲（任食）：鸡煲入边有鸡件，猪皮同埋腐竹。调味惹味。职员帮我哋控制鸡煲开盖嘅时间，所以食嘅时候唔会Overcook ,鸡件仍然juice. 欣赏佢个猪皮，有一定嘅厚度，咬落带点弹牙但又唔系硬𠮶只，同埋吸收晒酱汁嘅精华。
澳门猪骨火锅汤底：食完鸡煲，职员帮我哋换咗一个宫廷火锅。汤底有四/五大嚿猪骨同埋好多粟米，胡椒味好香。
火锅配料（除海鲜拼盘系限量-非任食，其他全部都任食）有好多选择，当中我觉得最推荐既系以下items:
- 海鲜拼盘：海虾，鲍鱼，鱿鱼，翡翠螺，蚝，龙趸片同埋大蚬。啲海鲜都好新鲜，当中最欣赏海虾，龙趸片，同埋大蚬。龙趸片同海虾都好弹牙，大蚬有鲜味。
- 极上肥牛：唔系平时任食𠮶种一大条肥膏𠮶种质素。以任食嚟讲，呢个真系高质。
- 黑豚肉：猪味浓郁，咬落弹牙
-手打手丸：必点。牛丸爆肉汁。
- 水饺：内馅丰满，虾仁新鲜，木耳爽口。
仲包埋非酒精饮品任饮，同每人一粒维他雪米糍。 食饱饱好满足咁离开。
张贴
