杏甜品 (豉油街) (已結業)

最近食左好多炸野热气，想清清热，但又唔想食凉粉，所以选左木莲冻！木莲冻唔会苦，回味清甜，岩晒我呢啲怕苦之人。呢间甜品店虽然细小，但都放到好几个座位。餐厅职员有礼貌，仲会细心讲解佢地以杏仁为主题卖点，甜品纯手工制作，真材实料，不加任何添加剂或防腐剂，每日香港本地鲜制。最近推出既新产品木莲冻系列都几受欢迎。芒果木莲冻 $62好大碗，成碗下面都系木莲冻，浸住芒果汁，份量十足。上面果一大球唔系雪糕，而系类似绵冰，芒果味几香。仲有好多其他配料，例如芒果粒、4色小芋圆、椰果。招牌杏汁波波爽冰木莲冻 $65又系好大碗，里面劲多木莲浸喺杏汁入面，原来木莲冻同杏仁一齐食系几夹味。上面果4球亦都系类似绵冰，选左士多啤梨味，如果唔想4球都单一口味，可以加钱拼其他味。配料仲有4色小芋圆和青钻。呢个青钻要讲一讲，因为我觉得佢好得意，透透地明一粒仔，表面光滑，但咬落去好似爆开咁，口感有趣。生磨合桃露 $32食左两大碗冻野，黎个热合桃露作结。合桃露香滑，但唔系杰身，所以好饱再食佢都唔会滞。