Hunger Strike (第三街) (已結業)

女朋友嚟我屋企work from home，感觉好似揍细路。因为一够三点三，佢又嗌肚饿，要食下午茶🤣。不过好彩佢都乖乖地谂好食乜，仲落埋单，我去拎就好了。餐厅按预定时间整好食物，唔使等。价钱中等，但好在用Openrice落单又有优惠码可以用，计埋返都OK。餐厅外卖包装好好，用纸Wrap完再加个纸盒，托住食唔怕污糟。Cheesy Beef Quesadilla劲好食，好意外，佢要时间整，而出品真系够哂热辣辣，餐厅拎到返屋企开始进食约十分钟，但一食嘅感觉都堂食无分别。佢有冇十吋就有啲怀疑，但成份饼都算好大块，如果系我食佢做午餐应该都够饱。Quesadilla外皮脆，爆多馅，牛肉劲多，加埋生菜丝，好有质感，似牛腩，芝士系拉丝𠮶种，但原来佢都几辣，墨西哥辣椒𠮶种，好惹味，女友就有啲顶唔顺哈哈，但佢都食唔停口。Banana Strawberry Yogurt就系因为想嗌够钱用code先要埋，味道正常，唔太酸。佢最大作用系解辣！女朋友真系好抵锡，又发掘好餐厅，跟住佢就唔惊会无好野食。