影片
更多
2020-01-03
357 浏览
呢日同呀妈提早食圣诞大餐🎅🏻，之前扮文青嚟过美孚饶宗颐文化馆影相，知道入面有间西餐厅唔错，因为我食过afternoon tea。我拣嚟呢到食圣诞餐，系贪佢环境静静地，causal得嚟又好气氛，唔使喺商场入面咁焗促。食之前，我仲可以同呀妈喺馆内周围行下，睇下野☺。由于订咗枱，一入到餐厅店员就已经揾到我个名同电话资料，好快安排我哋入座。餐厅环境好decent，枱櫈地板系有衬过，采用湖水绿同白色嘅座椅；餐厅主要分开左右两边座位，一边有窗，另一边就有梳化位🛋。除此之外，我好钟意呢到好有圣诞气氛，挂满咗雪人仔☃，成个感觉好温馨，同时仲播住圣诞歌。呀妈比较少食西餐，所以由我发办😎。我之前已经上网睇过个menu，见到呢度嘅菜式比起出面西餐厅特别，用嘅食材显得出系有心思，唔系普通一块扒或一碟意粉。餐厅由汤、前菜、主菜、伴菜、甜品到饮品，都有唔少选择，花多眼乱🤤。首先，店员为我哋送上热辣辣嘅法式面包🥖，外皮偏硬，但系脆脆的，而且富有面包嘅香味。最特别之处系，呢到唔系好普通咁搭配快餐牛油，而系用上黑水榄牛油(我都系专登问店员先知🙈)，只味甘甘地几正，黑色嘅一点点应该就系橄榄。法国泥蟹汤($78)，汤嘅颜色
呢日同呀妈提早食圣诞大餐🎅🏻，之前扮文青嚟过美孚饶宗颐文化馆影相，知道入面有间西餐厅唔错，因为我食过afternoon tea。我拣嚟呢到食圣诞餐，系贪佢环境静静地，causal得嚟又好气氛，唔使喺商场入面咁焗促。食之前，我仲可以同呀妈喺馆内周围行下，睇下野☺。
由于订咗枱，一入到餐厅店员就已经揾到我个名同电话资料，好快安排我哋入座。餐厅环境好decent，枱櫈地板系有衬过，采用湖水绿同白色嘅座椅；餐厅主要分开左右两边座位，一边有窗，另一边就有梳化位🛋。除此之外，我好钟意呢到好有圣诞气氛，挂满咗雪人仔☃，成个感觉好温馨，同时仲播住圣诞歌。
呀妈比较少食西餐，所以由我发办😎。我之前已经上网睇过个menu，见到呢度嘅菜式比起出面西餐厅特别，用嘅食材显得出系有心思，唔系普通一块扒或一碟意粉。餐厅由汤、前菜、主菜、伴菜、甜品到饮品，都有唔少选择，花多眼乱🤤。
法式面包
6 浏览
0 赞好
0 留言
法国泥蟹汤
$78
22 浏览
0 赞好
0 留言
香煎鹅肝配鹅肝批无花果芒果莎莎
$128
12 浏览
0 赞好
0 留言
烤西班牙乳猪配苹果醋烩红椰菜
$268
24 浏览
1 赞好
0 留言
烤乳猪旁边其实有唔少配菜，首先有一个完整嘅烤蒜头，平日多数我都无理佢，但一食发现口感原来系有啲啲似啫喱，稔稔地，几得意，同埋唔算好大浸味。另外，就有一兜🍎苹果醋烩红椰菜，呢个食落唔似椰菜，似果肉同莓粒，味道甜甜酸酸，啱哂解食咗大嚿肉嘅腻😌。酱就有2种，分别系印尼烧烤汁同芥茉汁，我钟意食前者多啲，似BBQ ribs；后者嘅芥茉同平日有啲分别，无咁攻鼻，我自己一般。
苹果木烟熏美国野鸡
$238
17 浏览
1 赞好
0 留言
烧鸡下面嘅配菜系令我非常欣赏嘅地方，因为唔系一般嘅薯蓉同薯仔粒，而系用上椰菜仔(Brussels Sprout)，西芹头蓉同埋粟子。每样食材均唔系常见𠮶啲，同时个配搭又几好，上碟造型亦睇得出花上心思，大大加分💯。
阿拉斯加焗雪山
$88
12 浏览
0 赞好
0 留言
我钟意食焗雪山主要系贪佢有冰火嘅口感，而且有几层layer，外面系焗蛋白，中间系朱古力蛋糕，最入面就系雪糕。我觉得🍨雪糕口味系芝士蛋糕味，所以有少少咸咸甜甜嘅感觉，复杂得嚟又几特别。
总括嚟讲，悦满轩真系一间无乜可挑剔嘅餐厅，我唔敢讲食物味道系超级好食😋，但每道菜都睇得出餐厅别出心裁，花心思注重喺食物嘅细节位上，例如造型、食材同食物组合等。依个系我舍得比钱花费嘅原因，因为你买到嘅正正系烹调技巧，唔单单系高级食材。服务方面，每位店员都非常专业，对菜式有充分嘅了解，好好笑容又好好礼貌😚，而且主动帮我哋换咗几次干净嘅碟。呢一餐虽然唔平，但物有所值，我妈妈都好满意，绝对系一顿令人开心嘅圣诞大餐🎄🎅🏻。
张贴
