一喜車仔麵

营业中

休息中

上次同事来过食lunch话超级好味，今日我收工就来食，真心民间高手啊！超级好食！呢到主要食车仔面，但好多小食都超好食，虽然已经食到好饱，但因为老板娘话好推介，我地又一路加点，结果每一样都好高质！首先我要左个腩汁银针粉，一食就知系贵价银针粉，咬落冇好粉咁断开，加埋佢哋嘅自制咖喱，真系好过瘾。自家炒嘅咖喱汁好有层次感，辣得来又会令人想食完一啖有一啖！有汕尾小米粿好特别，系我第一次食，qq口感好正。特级濑尿牛筋丸真心好弹牙，同埋真系要小心啲食，因为真系会爆汁！丸类我地要左汕尾马鲛猪肉丸，秘制菜肉饺炸有鱿鱼的鱿鱼丸同炸虾条，所有都好好口感。讲到小食，我地叫咗生炸手工韭菜饺，生炸潮汕三宝同生炸香辣单骨鸡翼。全部都好松脆，又唔会食到成口油另外想讲就系佢哋个鸡汤汤底都真系好甜好出色！叫咗咁多嘢，最后当然食唔晒啦，叫咗老板比外卖盒我哋，就发觉佢哋用一啲好特别嘅外卖盒，成个罐头咁样，汤底都整到好似汤包咁样，保持到好热嘅温度，返到屋企食都好方便。