點點心點心專門店 (已搬遷) 新店位置

路经点点心，见佢装修光猛干净，入去帮趁，招呼周道，点心即叫即蒸，必试"真系菠萝包"，鲜焗入面真系有一块菠萝，真系好好味，咁大个仔未食过，再试脆皮鲜虾肠，原想将豉油倒落肠粉，但经侍应提醒，咁样做会影响脆度，并教我食时才点豉油，果然好味道，非一般肠粉，再试杏仁蛋白茶，有浓厚杏仁味和蛋白幼滑，虾饺爽口皮薄晶莹，黑糖马拉糕好香黑糖味，流沙包又系好食，小心辣咀，跟住食埋个足料糯米饭和煎堆仔，两个人真系食到饱，另外杯豆浆都好好饮，全部加埋百多元，真系好味好抵食，直得推荐，唯一要弹的是要等位。