Bulldog Hotdog (廣福道) (已搬遷) 新店位置

同朋友行大埔,又到下午茶时间,比Bulldog Hotdog门口餐牌上面好多特别口味嘅热狗吸引我地眼球,咁就去试下啦....我地选左期间限定嘅樱花虾热狗 & 日式鳗鱼热狗套餐,可配薯角,蕃薯条,芝士条,仲有汽水.樱花虾热狗配蕃薯条, 樱花虾热狗同餐牌上面既图一样咁靓,唔会货不对版,很梦幻,樱花虾唔只卖相吸引,仲香气扑鼻,最上层铺满橙色嘅蟹籽粒,仲有蟹柳&千岛酱,味道非常夹,松软嘅面包夹住脆皮法兰克福香肠,真喺超级好食.蕃薯条好有意外惊喜,粗薯条嘅质感,外皮脆口,内里绵滑粉糯,好似食紧日本蕃薯咁,建议唔点茄汁,可以食返蕃薯条嘅原汁原味.日式鳗鱼热狗配芝士条, 日式鳗鱼热狗卖相都好靓,上面有好多块厚厚嘅鳗鱼,好多紫菜,木鱼,加上鳗鱼汁和沙律酱,鳗鱼好肥美,酱汁非常野味,整个包饀料好多,食得好满足.芝士条,出奇地有拉丝效果,但又唔觉得溜济,外层炸得好脆口,两者配合得好好,芝士迷一定要试.无谂过热狗都有咁多唔同特别嘅口味,好想全部试晒.