Bingo & Cook (京都廣場)

营业中

休息中

去过以前嘅Bingo & Cook,装修比较似韩式cafe。而家新店嘅装修有各式各样的韩国街头特色，包括地铁、大排档、发型屋，好多打卡位。特色装修都令餐厅充满气氛，所以平日都好热闹，好多人。50cm韩式海鲜锅 $380超巨超架势嘅海鲜锅，净系gas炉都要两个 ！海鲜种类好多，有大大只蟹、虾、鲍鱼、青口、扇贝、蚬、鱿鱼，底层仲有唔少芽菜同蔬菜。最钟意鲍鱼够鲜够弹牙。汤底系韩式海鲜汤，加多个面一齐煮直头就系去釜山食𠮶d海鲜拉面，索晒海鲜汤底嘅精华！海鲜煎饼 $148超级推荐！海鲜煎饼煎得外层非常酥脆，口感唔油腻，仲要超多馅料，配料有香葱、红椒、虾、鱿鱼，粉酱完全唔厚身，放耐左都仲好脆，点埋酱汁，美味指数再大大提升！蒜香酱油炸鸡配香肠年糕串 $140半份炸鸡都有大约6旧，炸鸡保留到鸡肉肉汁，唔干身。蒜味香浓，酱油味唔会太咸。炸香肠年糕串充满韩国风味，年糕外脆内烟韧，外皮沾满酱汁完全唔怕年糕淡味。牛肉紫菜包饭 $65比一般嘅饭卷size大，有十旧仲要馅料好满，有红萝卜、蛋丝、牛蒡青瓜，牛肉带麻油香酱油香。Peach Milkis $58桃味忌廉沟鲜奶，味道不会不甜。