華星客棧 (已結業)

今日食晏去咗依间餐厅食野, 坐低之后其实都有留意到有个男侍应(应该系店长或者经理, 因为见佢落order俾其他人)对其他客d态度好差: 有客食完一齐行去收银埋单, 佢就话d客一个去埋单就够, 做乜要一齐去埋阻住佢; 有客行入嚟揾位, 佢就叫喝人地要出返去等, 但明明外面无人排队又冇职员招呼...D野食嚟到个时, 我有个朋友唔小心打泻咗杯野饮整湿咗张櫈, 有个女侍应好好人咁帮我地即刻抹枱, 跟住个疑似店长即刻行埋嚟俾说话我地成枱人听, 话咩搞d咁嘅野俾佢做呀, 今晚唔驶做生意呀, 又特登衬上野食个时大大声同其他伙记讲话等我地走咗之后要封咗张枱之类, 但我最不满嘅系个店长一拧住背就爆粗问候我地娘亲。讲真, 系食肆有客打泻野真系十常八九, 对客爆粗闹d客系唔系过份咗? 就算d野食几好味都好, 态度都好紧要, 我唔期望店员有五星级嘅服务态度, 但对人嘅基本尊重系要有衰d讲句, 澳牛d态度都无你咁差