第三站

第三站 旺角有好多楼上Café，高质的都有唔少。学生时代经常同朋友去楼上Café食下野倾下计，贪佢可以坐得耐, 野食又唔太贵。不知不觉间形成左习惯，同同学仔聚会总喜欢去返楼上Café。今次去既楼上cafe就位于旺角金鸡广场，地点好就脚，cafe地方好大，白色系既装修简约，全卡位坐得舒服。以Cafe 黎讲，呢度既食物饮品都系中上水平，价钱唔算贵，可以坐足一晚唔限时，食物都上得几快！晚市选择不多，dinner set 8款，包main course 及＄38以内嘅饮品，加$38蚊可以要埋沙律同芝士蛋糕，我地最后都加左。沙律普通但胜在蔬菜新鲜，我地加左一份墨西哥鸡翼做小食。鸡翼好有惊喜呀!! 鸡翼大大只煎到脆卜卜，鸡肉保持嫩滑，咬落去爆肉汁。酱汁浓郁带有微微辣，非常惹味。黑松露带子鲜菌烩意大利饭满满嘅野菌加上鲜甜嘅带子真系无得输，再加上黑松露，香气十足。烩饭口感烟烟韧韧，有点太软身，我中意比较有咬口的。不过每粒饭都被酱汁包满住，加上芝味极浓，食得都好过瘾。烟三文鱼忌廉蕃茄酱扁意粉烟三文鱼比得够大方，扁意粉食落弹牙口感不错，酱汁creamy，但加左蕃茄汁食起黎酸酸甜甜，所以唔觉得好heavy。