殿 大喜屋 (裝修中)

呢间殿大喜屋位于尖沙咀，已经开业多年，但质素依然都保持到水准，最吸引我嘅当然系刺身任食啦！寿司款式亦都唔少，我特别喜欢海胆拖罗寿司，因为够晒矜贵兼好味。重有师傅即场包手卷，两款选择 - 深海皇帝蟹手卷和北海道海胆手卷。 当然两款都食晒，因为师傅现场包手卷的关系，所以紫菜特别脆口。呢度嘅鹅肝仲有冷热两款，冻嘅有法式红酒蓝莓鹅肝，热嘅就系铁板鹅肝厚多士，鹅肝超厚身，油香美味！因为太多嘢食嘅关系，唯有放弃熟食区喇。饮品方面款式都好丰富，除了雪柜内的饮品任饮之外，仲有冷热清酒、梅酒、红白餐酒同埋啤酒供应，就算净饮嘢都已经物超所值。甜品方面只能攻雪糕，因为个肚已太饱，食唔落了，唯有等下次再嚟食过。