影片
更多
2019-10-05
3508 浏览
阿拉斯加长脚蟹当造，海港酒家每斤都只喺卖$148，近乎批发价咁济，难得咁抵紧喺要揾埋朋友仔一齐擦番餐劲嘅！做紧大特价嘅缘故，酒楼晚市非常旺场，闲日7点钟去到酒楼攞飞等位，都要等成差不多个几两个钟先有得入座。如果打算食蟹的话，入座前记得向职员拣定蟹嘅大细，唔喺好快就比人拣哂心水size嘅长脚蟹。我地食个时大部份嘅长脚蟹都由5斤尾6斤起跳，无番三四个人都未必食得哂，记得约多几个朋友嚟开心share。原只清蒸长脚蟹喺唔使加手工费嘅，如果想试下其他烹调做法，茶楼都提供左好几款比大家选择，例如用蟹膏炒饭等，但就需要每款另加$100加工费。主角长脚蟹终于上枱啦，落单后都等左大半个钟先有得食。金黄色嘅蟹膏最突出，味道咸咸地带浓郁嘅油香味，所以我地都特意叫左炒饭打算用蟹膏嚟捞饭食。长脚蟹另一吸引人嘅地方就系佢又长又粗壮的腿，枱上每人都有一把较剪比你慢慢拆开蟹壳食肉，长脚蟹身形大所以拆肉都唔算难。打开蟹壳，入面系鲜甜嘅蟹肉，肉质口感好好完全唔霉，证明只蟹的确新鲜。长脚蟹底下加左蛋白一齐去蒸，蛋白吸收左蒸蟹个时流出嘅精华，食落鲜味十足。四个人食蟹再加两个小菜，埋单约$1200，价钱合理，食物质素有水准，大
做紧大特价嘅缘故，酒楼晚市非常旺场，闲日7点钟去到酒楼攞飞等位，都要等成差不多个几两个钟先有得入座。
如果打算食蟹的话，入座前记得向职员拣定蟹嘅大细，唔喺好快就比人拣哂心水size嘅长脚蟹。我地食个时大部份嘅长脚蟹都由5斤尾6斤起跳，无番三四个人都未必食得哂，记得约多几个朋友嚟开心share。
原只清蒸长脚蟹喺唔使加手工费嘅，如果想试下其他烹调做法，茶楼都提供左好几款比大家选择，例如用蟹膏炒饭等，但就需要每款另加$100加工费。主角长脚蟹终于上枱啦，落单后都等左大半个钟先有得食。
金黄色嘅蟹膏最突出，味道咸咸地带浓郁嘅油香味，所以我地都特意叫左炒饭打算用蟹膏嚟捞饭食。
长脚蟹另一吸引人嘅地方就系佢又长又粗壮的腿，枱上每人都有一把较剪比你慢慢拆开蟹壳食肉，长脚蟹身形大所以拆肉都唔算难。打开蟹壳，入面系鲜甜嘅蟹肉，肉质口感好好完全唔霉，证明只蟹的确新鲜。
长脚蟹底下加左蛋白一齐去蒸，蛋白吸收左蒸蟹个时流出嘅精华，食落鲜味十足。
四个人食蟹再加两个小菜，埋单约$1200，价钱合理，食物质素有水准，大家都食到好满足咁离开。
张贴
