邁爵斯 (福華街)

营业中

休息中

 迈爵斯应该好多人多听过，出名大份夹抵食。一碟意粉30几蚊就食到，仲要劲大碟，两个人share 食一碟都好够饱🤰绝对系穷人恩物。而且佢平得黎都几好食🤩同埋想赞呢度既店员劲好，见到我揽住个纸袋坐，专登攞多张凳黎问我需唔需要摆个袋，好细心☺️  今次同朋友嗌左两份意粉，嗌完之后有啲后悔，真系好大碟啊！建议两个人黎食既话嗌一碟意粉一碟小食好la。两碟意粉真系会食到超饱。  1⃣️香蒜白酒蚬肉意粉（$35）呢个上到台果阵真系吓亲我😳真系成座山咁，啲意粉多到我觉得两个人食一碟都会食到好饱。啲蚬肉劲多，食极都仲有。  个意粉比我想像中好食😙食落有好香既蒜味，而且食落唔会感觉好油，啖啖都可以食到蚬肉，超正，唔怪之得咁多人推荐呢碟意粉。CP值绝对爆灯！  2⃣️忌廉蘑菇鸡肉长通粉（$45）个长通粉相对上份量冇咁惊人，但系都系极多，一个人食一碟基本上我觉得系冇可能食得晒😂  呢个我觉得比起蚬肉意粉更加好食。首先佢面头有好多溶左既芝士，而且成个通粉都几creamy，特别系啲通粉既通窿位，好香好creamy😍鸡肉都有好多，每块都几大块。 呢个价钱黎讲超级抵食好好食！