寶寶雞煲 (已結業)

一班朋友出去食饭最好就系食鸡煲，旺角当然系首选啦，方便到咁多位大大呀嘛，系open rice 见到依间一于去试下啦。楼上铺系有啲难揾，但大家食完都赞不绝口，值得行条楼梯上去，仲可以系open rice 订位，非常方便。服务态度方面，真系一流，无切饼费，仲帮我地执好张枱先拎个蛋糕俾我地。食物方面，我地叫左招牌咳咳鸡煲，系干煲，好好味，每旧鸡都炒到好干身，非常惹味，仲有因为系干，加汤打边炉时亦唔想辣，啱唒有啲人食辣有啲人又唔食得辣，但钟意食鸡汁打边炉既就要择另一款鸡煲。极推鱼皮同响铃，即叫即整，就咁食都已经好香脆可口。椒盐粟米，我就觉得嫲嫲冇乜特别脆鲩唔错野饮大大杯，抵饮