兄弟邦

营业中

休息中

今日下午我们喺何文田窝打老道附近做完嘢之后去咗胜利道嘅「兄弟邦」食下午茶！一坐底𠮶阵店员会同我们讲话：「如果你们想食公仔面餐嘅话，就喺餐纸上选择咗想要嘅食材，然后再交畀我入单！」我们就选择咗公仔面餐：煎鸡扒出前一丁嘅鸡扒煎得色泽好金黄，肉质好松软嫩滑，而且相当大块，出前一丁面亦煮得啱啱好，唔会煮到过咗火而变到好腍身！煎火腿扒通粉嘅火腿扒系将表面轻轻煎香，食落味道更加香口，通粉比平日食开嘅较大粒，而且好烟韧弹牙！另外！跟餐配嘅北海道牛乳炒蛋炒得非常嫩滑，师傅控制时间火候恰到好处，完全唔会有「嚡」嘅感觉，而且蛋味相当香浓，真系好正呀！香草包食第一啖就已经有淡淡芳香嘅香草味慢慢渗透出嚟，面包嘅质感亦都好软熟！