Schnurrbart German Pub and Restaurant (已結業)

今日男朋友生日，就要带佢食一啲有格调嘅餐厅。所以就选择左德国菜，贪佢够大份之余，又够得体。所以我哋就去咗中环呢一间德国餐厅。食得德国菜就一定要食德国猪手，呢度嘅德国猪手好香脆，亦都够大份。上碟已经帮你切好咗，所以唔使咁麻烦就已经食得。猪手焗得好香脆，外皮好松化，肉质亦都好淋，亦保持粉嫩嘅感觉。另外都配左一个薯蓉，牛油味好香，好好味！不过我个人唔钟意德国酸菜，因为觉得太酸，所以我就冇食到，评价唔到。另外我哋都好钟意食德国肠仔，所以就叫左德国肠拼盘。佢可以单点的，所以我哋叫咗四款肠，其实我都唔识分边只打边只，总之全部都几好味！最后我哋两个都食得好饱，大家都好满足。