林洪記水產

营业中

休息中

我同老公平时好钟意食米线，今次同埋几位朋友嚟咗食嘢，真系大开眼界！叫咗个胡椒猪肚鸡锅配米线，份量劲多，而且整得好香。胡椒汤底好够味，猪肚爽脆，鸡肉味道好香，米线又滑又吸汤，真系好正！仲有叫咗个好特别嘅笼仔饭，入面配料有海蚬、腊肠、海虾，用海鲜蒸出嚟嘅饭真系特别唔同。饭粒粒分明，充满海鲜嘅鲜味，真系啖啖都系鲜味！如果唔系要咁多嘢食，我可能会叫多一份笼仔饭。我朋友叫咗个黄金蟹黄饭，转米线。我食咗少少，感觉口感好诱惑，而且有好重嘅蟹黄味。蟹黄浓郁，饭粒软糯，真系好美味！佢哋嘅招牌海鲜蒸气火锅。啲大头虾劲大只，劲多膏，而且好新鲜。海鲜款式真系好多。用蒸气火锅蒸海鲜，可以keep到所有海鲜嘅原汁原味，真系鲜甜无比！