李氏廚房 (已結業)

今晚突然之间好想食炸鸡就去咗屋企附近嘅李氏厨房，原来前身就系李家。一坐低店员就会送上三个前菜，有泡菜，椰菜丝及腌萝卜，前菜酸酸甜甜，非常开胃。我哋就叫咗自选半半炸鸡，唔使净系识一只味，叫咗原味同芝士。炸鸡炸到外皮脆卜卜，一咬开入边好多汁，鸡肉入口嫩滑，炸粉浆唔会太厚，芝士味道非常浓郁。海鲜煎饼煎饼材料10分丰富，大量韭菜和海鲜，每一啖都外脆内软。猪肉饺子大大只嘅饺子，外皮好薄，馅料超级丰富，咬落嫩滑多汁，点上香醋十分惹味。花甲刀削面花甲份量非常之多，全部都系鲜甜无沙，刀削面入口幼滑有口感，汤底超级鲜甜。菠萝汁和芒果汁入口香甜浓郁。