阿木台灣麵 (豉油街)

营业中

休息中

今日午餐黎左呢间阿木台湾面食，餐厅由台湾人主理，主打正宗台湾菜式。餐牌系简单一张纸，包括阿木牛肉面，台式便当，阿木拌面，老台湾腌菜，台湾小吃，蛋饼同饭。饮品有古早味，芝士岩盐奶盖，珍珠奶茶，冷泡茶，台湾红茶，四季春青茶。今日一个人，叫左一个主食，一个小吃加一杯野饮。红烧牛肉牛筋面 $74大大碗红烧牛肉牛筋面热辣辣上枱。牛肉同牛筋各三件。牛肉一大两细，炆得极淋，入口即化，明显系半筋半肉，牛味又浓，厚身啖啖肉，好味道。牛筋都好淋，满满骨胶原。面条系白色拉面，都有咬口，份量适中。伴有咸菜同葱花。个汤甜甜地，味道好惹味不过唔会油腻。卤牛筋 $55卤牛筋一客6条，满嘴都比骨胶原张住，卤得好入味。面头洒上葱花。冻黑糖珍珠鲜奶 $17我叫左冻黑糖珍珠鲜奶少甜同走冰，鲜奶好滑而甜度适中，饮落带微微黑糖香，无冰都够冻。珍珠份量多，有嚼劲而唔会太硬，好饮。上菜超快，坐低食完20分钟搞掂。