水門雞飯 (豉油街)

营业中

休息中

今晚系旺角同同事食完晚饭，收屋企人指示要买外卖，行经呢间水门鸡饭，好多人堂食，就买d返屋企试下，最后认唔住又一齐食埋🤭。串烧泰式串烧一向好食，我同屋企人都好钟意！今次拣左猪肉串烧，烧得好香，肉嫩又带d脂肪位，邪恶又好食，完全唔会鞋口， 加上沙嗲酱汁，味道提升，够晒惹味香浓。泰式卤水牛三宝炆得好够入味同够火喉，食落淋得嚟又有少少爽口，牛栢叶同金钱肚真系好好味，吸晒卤水汁，少少烟烟韧韧口感，另外亦有牛脷同白萝卜等等，萝卜食落香甜，正。虾头膏炒杂菜虾头膏嘅味道真系一绝，风味独特，宵夜时间食真系一流，喺相对浓香，令你食落一啖接一啖咁想食，配搭杂菜嚟炒，西兰花，椰菜，珍珠粟米同椰菜花等等，食起嚟就light d, 更加好，唔会又浓味又啖啖肉咁滞，咁样炒杂菜反而更夹！烧原只鱿鱼胆固醇标高之美食，估唔到佢嘅份量咁大，成只手掌咁，一客有2只，啱啱好火喉唔会太干太硬，QQ咬口，隔滋隔滋口感，再加上佢地提供嘅辣汁，太爽了！呢个价钱嚟讲，cp值太高！