海街丼 (E-Max) (已結業)

来自日本嘅海街丼喺香港已经开咗三间分店啦，可想而知香港人系几钟意食日本菜。最近佢地推出咗推出「釜饭」即系日式煲仔饭 - 海胆锅烧盖饭。冬天食煲仔饭暖身，又可以品尝到新鲜嘅日本海胆，实在太吸引啦。煲仔饭有单点或者「釜饭」二人套餐($550)，套餐有前菜、汤、刺身、炸物同埋饮品8道菜组成，抵食啲又可以试到唔到菜品。不过数量有限，想食要至少提到一日打电话预订~落完order冇耐，店员就陆续将菜品上枱，然后开始煲饭。摆到成枱都系美食，好开心呀~饮品我哋拣咗菠萝味果酒，鲜甜嘅菠萝味加咗冰好易入口，酒味较轻，唔识饮酒都啱食架。我就相当钟意，当晚仲去超巿买咗一支返屋企谂住过年慢慢叹。冷盘前菜有柚子萝卜、日式冻辣蕃茄、海街丼沙律、麻酱吞拿鱼。【日式冻辣蕃茄】fresh爆嘅蕃茄酸中带甜，再加少少辣味刺激，几特别；【海街丼沙律】除咗新鲜沙律菜、蕃茄，仲有年糕、蟹柳、日式鱼蛋，不过味道就咸咗少少。【时令刺身两点】系油甘鱼同拖罗，两款都鱼油丰富相当肥美，食完满口鱼油香，极之新鲜。【日式炸鸡件】炸到热辣辣，鸡肉嫩滑多汁。【清酒煮蚬】细粒咗啲但蚬肉几爽口，酒味鲜味平衡。食到咁上下，店员将海胆放入釜饭，再加入生蛋黄