熱菇喲 (已結業)

放工后同同事去SOHO区放松下，见到呢间日式居酒屋几骨致就入去试下。入面摆满左各式嘅清酒，环境虽小，但胜在够静，三五知己谈心啱晒。MENU嘅食物主要系串烧，其次系佐酒小食同少少主食，我地都系叫左几款试下。>>>✨厚切嘅牛舌，烧得好嫩带少少爽，好入味👍🏻忍唔住要再叫多串。✨芫荽豚肉卷味道又唔算太突出嘅，可能我本身都唔太好芫茜🙈✨免治鸡肉棒比较软腍，入面有少少软骨，增加返口感，点埋蛋汁同酱油一流✨鹿儿岛萨摩鸡翼块皮好薄，烧得好香脆，咬落去仲有少少鸡汁流左出黎🤤✨大葱鸡肉嘅大葱表面烧得黑左少少，不过都唔太大问题，鸡肉都几嫩滑嘅。✨烧饭团（柚子味噌&樱花虾）表面烧得香脆，柚子味噌第一次食，味噌味就较淡，反而柚子味较出，几fresh, 樱花虾呢个嘅虾味唔太突出，我比较钟意柚子味噌多啲。✨粟米上面嘅牛油均匀抺上，好香牛油味，粟米几甜几爽口✨烧豆腐烤得好脆身，口感比较松脆，上去淋左少少酱汁，味道啱啱好，有豆香✨fruitbeer叫左水蜜桃味，入面有真水蜜桃果汁，好香，果味比较浓，啱晒女仔饮呀😊