麻辣派對 (金百利廣場) (已結業)

日本百货公司优惠周，好多人排队等住入去湿平，附近金百利《麻辣派对》是不二之选。铜盘烤石斑鱼(麻辣味)~拣咗bb辣，味道啱啱好，铜盘用炉热住食，热辣辣香喷喷，石斑鱼好新鲜，啖啖肉，配料相当丰富，包括魔芋片、高纤维芽菜、烟韧蜂巢布包豆腐，仲有爽口莴笋。家常豆腐~汁料调得好好，轻轻炸过嘅豆腐，软滑可口，挂满美味酱汁，木耳爽口，仲有秀珍菇。大刀牛肉小面(bb辣)~采用牛展，大量脆花生，麻辣风味，面条够爽口，bb辣度刚刚好。柠檬C & 水果茶~例牌要点嘅特色冻饮，味道清新，最啱解辣。食到尾声餐厅送上红豆沙，唔会太甜正合我心意。