奈良上釜 (已結業)

约左朋友平日晚来铜锣湾揾食，之前见OpenRice 都有唔少好评，咁岩我上个月先去完京都食过某出名釜饭，就试下香港嘅釜饭系咪都咁好食。所有釜饭都包埋六味前菜，好丰富好大碟。中间碗茶碗蒸超级好食！最钟意佢有蟹肉同三文鱼籽。木鱼丝豆腐都非常好食！旧蕃薯好热；渍物嘅鱼仔方粒都好入味。我要左月见和牛釜饭（$198），超级多和牛粒！！ 啲牛粒粒都好淋，有少量筋。饭嘅份量同就同日本食到嘅差不多咁多，自己笔落碗仔度食，都笔到3-4碗。 个釜饭兜好保温，每笔完一次com返住个盖。好似我咁食得慢又钟意边食边吹水嘅人，唔怕啲饭放到冻晒。😂 碗味噌都不错，好多料，多海带。朋友要嘅西京银雪釜饭（$188），俾左好多旧鱼我地食。 啲鱼肉好滑，完全唔怕焗到老晒。要小心啲鱼骨。