影片
更多
2024-04-02
129 浏览
喺旺角行完街，时间尚早，决定揾一间边炉可以慢慢食，就去到新之城对面𠮶间叫二锅头边炉。由于当时只系5:00 ，舖头未有好多人，但系环境都非常之阔落同舒服，入边嘅员工都非常之好客，去亲自详细咁介绍餐厅嘅套餐。而我就选择咗最新推出嘅任食三款锅底再加打边炉，一人仲可以食足3小时，而星期一至日都有。咩叫食足三种锅底我当时睇到都有个疑问，原来当中包括黑椒猪手、惹味鸡煲、火焰牛尾煲、烤鱼，四款煲都可以任食，以食完四款煲后，仲可以自选一款锅底，再打边炉，打边炉食材都好多选择，不但可以QR code落单，包括肉类海鲜类等等，仲有一啲食材较昂贵嘅食物可以自费加选，而且亦有不少酒类饮品可挑选。此外，餐厅亦有食物吧枱可以俾我哋任拎任食，当中包括不少丸类、蔬菜、菇类等等。而且有好多款饮品可以免费饮。最后亦有雪糕雪条可以食用。所以价钱非常之抵😋😋当我落单嘅时候，我都有啲担心，惊叫咗其中一款煲份量太多，然之后咩都食唔到，但估唔到舖头好细心，可以每一款煲嘅份量减半，而每款都可以试下。不过值得留意嘅系，鱼煲系一条鱼咁上，份量冇得减半。咁我首先叫咗最想食嘅黑椒猪手煲，嚟到嘅时候黑椒味非常浓郁，每一旧猪手都非常有肉，而且浓
当我落单嘅时候，我都有啲担心，惊叫咗其中一款煲份量太多，然之后咩都食唔到，但估唔到舖头好细心，可以每一款煲嘅份量减半，而每款都可以试下。不过值得留意嘅系，鱼煲系一条鱼咁上，份量冇得减半。
咁我首先叫咗最想食嘅黑椒猪手煲，嚟到嘅时候黑椒味非常浓郁，每一旧猪手都非常有肉，而且浓郁嘅汁包裹在每一个猪手上都非常惹味。试完猪手煲后，我马上再叫咗惹味鸡煲，舖头真系好细心，唔会话是但加啲鸡落去之前个煲度，就叫做新一个煲咁上，而系将成个煲咗。鸡煲上到嘅时候，调味汁同之前𠮶个完全唔同，但仍然非常之惹味，每一嚿鸡件都有嫩口嘅肉食，唔会净系得啲骨咩都冇得食。食完两款煲之后，我已经担心未到打边炉已经饱，所以决定食，酸菜鱼试一试，而我选了清江鱼，因为见到菜单上表示比较少骨。上菜嘅时候，汤底非常之浓郁，鱼有鲜榨过再上入酸菜汤底入边，令到鱼肉唔会咁易散开晒，当中锅底入边亦有唔少配菜配搭，令到唔使净系食鱼咁单调。由于当时已经试咗三款煲，我已经饱饱地，所以决定唔试牛尾煲，转左猪骨汤底即刻打边炉。
我点了牛扒键、鲜牛肉、以及一啲海鲜，每一款海鲜以及食材都可以一件一件咁样叫，啱晒你需要食几多就叫几多😋😋每一样食材都非常之新鲜，唔会话食到结晒冰先上菜。汤底方面,猪骨汤底听个名好似好普通，但估唔到都做到咁出色，入边有唔少配料，当中亦有猪骨、蕃茄、红萝卜等，而且汤底洁白色，不上嚟亦非常之浓郁，唔似得出边只系用普通清汤当做猪骨汤底。😋😋
整体嚟讲依家旺角任饮任食火锅餐厅非常之抵食，唔单止位置方便，而且员工嘅服务态度都非常之好，唔会话惊你照得多拎得多，反而担心你试得唔够多🥰另外环境方面都非常之阔落，张枱唔会得摆得两样食材就话满晒，会叫一个锅底或者食材过几分钟已经上菜，唔会话叫极都唔想或者等好耐先上菜嚟浪费时间。另外食材方面亦都非常之新鲜而且每个锅底都非常之有诚意整体嚟讲系非常值得一试嘅任饮，任食火锅餐厅。😋😋😙😙
张贴
