影片
更多
2024-03-17
107 浏览
🍊 餐廳名稱：鐵板燒海賀 (尖沙咀)🐝 味道：9/10環境：9/10整體分數：9/10💰人均：$1000+———————————————————已經好幾年無食過鐵板燒，適逢朋友仔生日，就搵左間可以飽覽維港夜色嘅鐵板燒餐廳黎食。環境相當不錯，我地坐係吧枱前望住師傅逐樣食物整好放係面前，成個體驗好開心，值得一提係師傅會細心地留意客人用餐進度，食到一道菜先會開始煮另一道，非常貼心。海賀二人套餐 💰2480無花果蟹肉沙律蟹肉偏札實口感，沙律菜配以黑醋，清爽口感幾開胃。三文魚籽伴海雲醋大大三文魚籽，海雲口感幾特別，但整體好好食。磯煮鮑魚慢煮大隻南非鮑魚，口感爽口鮮味不足。不過底下嘅大根實屬滄海遺珠，非常入味且淋身，點埋個醬三樣加埋一齊食可以話係天衣無縫。鵝肝香煎鵝肝再配以多士，上到碟啲鵝油已到忍唔住跑出黎。小編平時都幾抗拒肝類品，但見到煎得咁香都想試一口，鵝味濃味而不騷，連埋附上嘅生果配多士一齊食，即刻對鵝肝改左觀。大蝦爽口彈牙，連蝦頭都食埋。A4宮崎牛order左三成熟，食落去牛油香滿口都係。油脂分布平均得黎就算食多都唔會膩。愛媛縣產雞肉真係未食過咁嫩滑嘅雞，雞皮煎到脆身而肉質keep到jui
味道：9/10
環境：9/10
整體分數：9/10
💰人均：$1000+
———————————————————
已經好幾年無食過鐵板燒，適逢朋友仔生日，就搵左間可以飽覽維港夜色嘅鐵板燒餐廳黎食。環境相當不錯，我地坐係吧枱前望住師傅逐樣食物整好放係面前，成個體驗好開心，值得一提係師傅會細心地留意客人用餐進度，食到一道菜先會開始煮另一道，非常貼心。
海賀二人套餐 💰2480
無花果蟹肉沙律
蟹肉偏札實口感，沙律菜配以黑醋，清爽口感幾開胃。
三文魚籽伴海雲醋
大大三文魚籽，海雲口感幾特別，但整體好好食。
磯煮鮑魚
慢煮大隻南非鮑魚，口感爽口鮮味不足。不過底下嘅大根實屬滄海遺珠，非常入味且淋身，點埋個醬三樣加埋一齊食可以話係天衣無縫。
鵝肝
香煎鵝肝再配以多士，上到碟啲鵝油已到忍唔住跑出黎。小編平時都幾抗拒肝類品，但見到煎得咁香都想試一口，鵝味濃味而不騷，連埋附上嘅生果配多士一齊食，即刻對鵝肝改左觀。
大蝦
爽口彈牙，連蝦頭都食埋。
A4宮崎牛
order左三成熟，食落去牛油香滿口都係。油脂分布平均得黎就算食多都唔會膩。
愛媛縣產雞肉
真係未食過咁嫩滑嘅雞，雞皮煎到脆身而肉質keep到juicy，好出色。
（黑松露和牛/櫻花蝦）炒飯
2款炒飯都各有千秋，黑松露和牛炒飯味到濃烈到係好多似食緊原個黑松露咁。
甜品
一冷一熱，任君選擇。
🗺️ 尖沙咀彌敦道100號The ONE 19樓
🔍#FlavorforToday尖沙咀
🚆 尖沙咀站B出口
张贴
