Fleur de Sel

营业中

休息中

終於第一次寫評，因為呢間法菜真係太驚喜太值得推介，第一次去試，booking 7點晚餐，兩條女去到樓下大堂見到舊式電梯有D驚嚇怕中服，不過都book咗囉服都係一次啫。入到去感覺完全唔一樣，餐廳唔大位唔多，有outdoor 同indoor 位，侍應係外國人好細心見我攞個大手袋即放張細櫈比我放袋，我地先叫左鵝肝同蝸牛做頭盤同是日推介嘅松露芝士巴馬火腿鹹薄餅打算食完再order甜薄餅做甜品，鵝肝上枱賣相好普通，一放入口哇哇哇感動到講唔到野，細滑甘香夠油份，配嘅麵包同醬汁都超好味🤤食完即刻加單嚟多份。薄餅底好香配料搭配出唔同層次嘅味道👍🏻食完已經太飽食唔落甜品，我地係咖啡迷所以叫左兩杯咖啡long black 同cappuccino 做ending 咖啡味好香入口回甘無酸味，cappuccino 嘅奶打得好滑仲跟coffee raw sugar 大愛 ，好飲！走嘅時候同靚女侍應傾咗幾句，佢話D鵝肝醬係老闆親自做👍🏻難怪，真心好食，咁嘅價錢個人覺得超抵，book mark一定要再去❤️