Le Viet (已結業)

係旺角行街前覓食一番，行經銀行中心有姐姐係門口派傳單，經不住佢既熱情上左一樓食越南菜😝🍡海鮮炒檬粉材料好豐富，有蝦、蛋、魷魚等等，炒得好乾身，夠晒香噴噴，有鑊氣👍🏻滴左啲青檸汁酸酸地好惹味。🍡豬頸肉撈檬係呀我同朋友都好中意食檬粉😆呢樣份量好多呀，豬頸肉起碼都有8大片，性價比之王。豬頸肉少肥，有燒過既香味；餐廳仲比左一樽仔靈魂酸辣汁，我全部倒晒落碗，好鬼正😂酸甜適中小小辣。🍡重頭戲—香茅燒烏頭話說我第一次食燒烏頭，以為會好多骨，但原來係好多肉咖。魚皮沾左好多鹽去燒，食果陣𠝹開魚皮就見到白雪雪既魚肉，加埋兜越式酸辣醬，超級惹味。另外兩杯椰汁冰都好重椰味，抵讚。