一鍋堂 (大鴻輝(荃灣)中心) (已搬遷) 新店位置

今次拣咗食午餐火锅放题套餐B ，要咗养生药膳汤底，一上枱已经闻到好大浸嘅当归味，除咗当归，仲有杞子、党参、桂圆、红枣等，好滋补！打火锅之前惯咗饮一饮汤底，呢款汤底冇味精，又够味！套餐B包左几款靓牛肉，必食推介一定系美国安格斯牛肉、封门柳、牛板腱。几款牛肉质上乘新鲜、雪花均匀、牛肉味浓，其实食几碟牛肉已经返本。其他火锅配料都好特别，有几款自家制饺子，芫茜控必试芫茜饺！呢度仲有好多手打肉丸、手打鱼腐同手打鱼滑，好出色，好弹牙，我就最钟意手打孜然鸡丸同樱花虾手打鲮鱼滑，因为够晒特别，唔系度度都食到！呢个套餐仲可以任食多款海鲜，好似有花胶、白鳝片、海虾、帆立贝，种类都几多，而且好新鲜。呢度嘅嘢饮都落足本，一定要饮嘅系佢哋自家制嘅饮品，冰糖炖柠檬够晒清甜润喉，洛神花茶酸酸甜甜就好开胃，打边炉饮真系一流！