星海．譽宴 (鱷魚恤中心)

营业中

休息中

我地平时都好钟意饮茶，今日lunch hour 去左誉宴试吓呢个午市套餐，果然系唔错嘅选择！一坐低黎返壶茶先！我钟意饮铁观音，啖啖回甘味，呢到嘅茶落足茶叶，饮落好够味👍🏻丰料老火汤，今日应该系老黄瓜汤，一个瓦煲有成5-6碗，味道浓郁，饮得出无落味精。点心拼盘，4款点各两年，烧卖、虾饺、潮州粉果、谷物糕，即叫即惊热辣辣送到，味道唔错。烧味拼盘，叉烧、烧肉、海蜇。叉烧甜蜜，烧肉香脆不肥腻，海蜇爽口弹牙，呢3宝无得顶。杭州香醋一口骨，炸得够松脆，每一口都布满杰挞挞嘅香醋汁，再加啲香姜丝伴碟，开胃醒胃。干隆石窝炒饭，上到枱时仲喳喳声，拎铁羹再炒两炒，香气扑鼻。加了带子粒、瑶柱、翠玉瓜，令分明嘅米粒不会太干。今日嘅精选甜品系红豆沙，食入口啖啖红豆溶，非常有诚意。限聚令下无损茶脚心情，午市依然座无虚席，可见食物质素有返咁上下吸引。