影片
更多
2009-01-03
5 浏览
OpenRice 真系好帮得手, 随时随地可透过OR 食评网取得美食资讯。今次又系多得OR, 我哋两公婆先知道元朗有间超赞茶餐厅。地方唔算大, 但胜在卡位够多, 亚姐又唔会将啲食客迫埋一齐坐, 所以都坐得好舒服。装修唔算新净, 但系环境尚算干净企理。午饭时间抵达, 我哋点咗A餐同E餐, 老婆话想食沙爹牛肉包, 咁就叫多个茶餐一齐食。午餐附送餐汤, 有忌廉汤, 罗宋汤同是日中汤可任择一款。我饮忌廉汤, 而老婆则要了罗宋汤。忌廉汤几好饮, 好有旧式扒房如金雀或金凤白汤的风味, 老婆的罗宋汤味道偏淡, 唔够酸又唔够味, 比较差。A餐系田园鸡扒饭, 又估唔到田园汁味道系咁清新, 酱汁里头由甘荀粒同西芹粒煮成, 虽然我唔喜欢食呢两种蔬果, 但系味道的确与香煎鸡扒几夹得来, 而且饭粒分明, 饭煮得唔会过软, 保留少少硬度有嚼头, 系我杯茶, 所以好快就扫晒碟饭。E餐系鲜茄餐肉焗猪扒饭, 呢个制作需时, 因为要焗, 所以要耐少少先来。新鲜焗起热辣辣, 味道仲好味过大家乐, 份量又大, 仲多咗两块餐肉, 炒饭底又够蛋香, 真系抵食夹大件, 超赞!老婆点名话想食嘅沙爹牛肉包, 系用焗香嘅甜餐包整, 甜餐
今次又系多得OR, 我哋两公婆先知道元朗有间超赞茶餐厅。
地方唔算大, 但胜在卡位够多, 亚姐又唔会将啲食客迫埋一齐坐, 所以都坐得好舒服。
装修唔算新净, 但系环境尚算干净企理。
午饭时间抵达, 我哋点咗A餐同E餐, 老婆话想食沙爹牛肉包, 咁就叫多个茶餐一齐食。
午餐附送餐汤, 有忌廉汤, 罗宋汤同是日中汤可任择一款。我饮忌廉汤, 而老婆则要了罗宋汤。
忌廉汤几好饮, 好有旧式扒房如金雀或金凤白汤的风味, 老婆的罗宋汤味道偏淡, 唔够酸又唔够味, 比较差。
A餐系田园鸡扒饭, 又估唔到田园汁味道系咁清新, 酱汁里头由甘荀粒同西芹粒煮成,
虽然我唔喜欢食呢两种蔬果, 但系味道的确与香煎鸡扒几夹得来,
而且饭粒分明, 饭煮得唔会过软, 保留少少硬度有嚼头, 系我杯茶,
所以好快就扫晒碟饭。
E餐系鲜茄餐肉焗猪扒饭, 呢个制作需时, 因为要焗, 所以要耐少少先来。
新鲜焗起热辣辣, 味道仲好味过大家乐, 份量又大, 仲多咗两块餐肉,
炒饭底又够蛋香, 真系抵食夹大件, 超赞!
老婆点名话想食嘅沙爹牛肉包, 系用焗香嘅甜餐包整, 甜餐包外脆内软,
内里夹住啲惹味的沙爹牛肉, 外甜内咸, 味道一绝。
老婆仲话下次要试埋呢度啲猪扒包。
老婆亦都大赞呢度啲冻奶茶同茶走, 可能钟意够奶味啦。
而我杯冻柠茶都唔错, 够冻又够酸。
亚姐啲服务好好, 样样快快手手, 有问有答又跟得足, 临走仲会讲声多谢,
食客听到都会觉得开心啲, 下次再嚟帮衬过!
抵食系攞满分, 因为食咗咁多加埋都唔使八十个大洋, 又平又饱又好食。
而家唔过三十蚊而又要好食嘅午餐去边度揾呀?!
张贴
