糧友パン工房 (已結業)

经过一田，闻到好香嘅面包味，原来有新鲜面包出炉。咁啱听日系公众假期，可以要买定早餐。粮友工房系用日本入口嘅酵母培养器自行培养天然酵母，而且大部分食材系由日本直送。面包就用传统石窑烘培技术及汤种法制作。 所以夹起面包时， 已经感受到包身的软熟。月岛软心芝士饺子$12 - 芝士馅份量算几多，啖啖都系芝士，咬落味道似笑x牌芝士，面包好软熟，饺子外型嘅面包，十分吸引。特浓朱古力饺子 $20/2个 - 新鲜出炉的面包，店员大大声叫卖$20/2个 (原价$12/个)，平左成$4，本住C奶嘅心态，买左黎试下。同样饺子外型嘅面包，包内转成朱古力馅，份量同样算几多，啖啖都系朱古力，朱古力味浓亦唔会太甜。紫薯一丁目 $12 - 紫薯颜色相当吸引，紫薯控嘅我立即买番个试。入面紫薯馅是用真材实料做的，因咬落仲有一小粒一小粒紫薯，口感十分丰富，是真正的紫薯味道。唯一可惜的是呢个紫薯唔甜。