BRICK LANE (利園六期) (已結業)

今日去咗铜锣湾食午餐，来到一间新开嘅西餐厅Brick Lane。 叫咗一杯非常好饮嘅冻饮，我竟然可以饮咗三杯。。。 佢叫做薰衣草梳打特饮。 不但有清香薰衣草嘅味道，甜度又啱啱好。在炎热嘅今日，非常解渴。Egg Benedict是我食的第一道菜。 坦白讲佢上菜嘅速度真系吓到我。 落咗单唔使五分钟已经有嘢食， 最搞笑就系我连电话都未放低就已经开始食啦。 这道菜做得非常之好，流心蛋系完美的! 佢嘅 酱汁都系啱啱好，不会太酸。面包非常松脆，是一个完美嘅配合!𠮶两块鲈鱼煎得啱啱好亦都冇过熟， 但系𠮶碟Peri Peri Chicken 就有点失望。 酱汁腌得未够入味所以鸡没有味道。 相反太多酱汁在鸡的上面抹杀咗这道菜真正嘅风味。但系我一定要特意嘉许呢间餐厅嘅服务态度。 佢哋畀到我一个非常舒服和开心嘅感觉。 由佢哋真挚嘅笑容到留意我对每一道菜的需要， 也是非常体贴。 加上佢哋有善嘅对话，实在令到我一定要再返嚟。总体如果想食个快嘅午餐呢个系一个非常好嘅选择， 我期待下次去试佢哋嘅晚餐， 因为有啲主菜要下午两点半后才有得食。