鬼金棒

营业中

休息中

今日收工同朋友去铜锣湾食咗一间日本过江龙拉面 - 鬼金棒牛骨辣麻拉面～～ 位置好就脚，喺铜锣湾嘅热门地带谢斐道。坐低之后，我哋 Order 咗招牌牛骨拉面（原味）＋芫荽辣麻牛骨拉面（无辣，小麻）＋煎饺（六只）+ 牛筋。因为我同朋友都好怕辣，唔食得太辣，于是就叫咗原味。首先讲吓呢个招牌牛骨拉面，佢嘅汤底好浓郁，就咁饮都已经觉得好正，叉烧又腍又入味唔错唔错，拉面有轻微碱水味，整体嚟讲我觉得唔错。而我个人最钟意嘅，就系呢个芫荽牛骨拉面，汤底都系好浓郁，而且成个碗面都放满晒芫荽，完全系开正我𠮶饭！我哋两个食完啲拉面之后都有饮晒啲汤，就咁饮已经好正～至于牛筋十分之爽口，弹牙，系我喜欢嘅𠮶一种口感，不过要快啲食晒佢，因为冻咗佢就会黐埋一旧。煎饺🥟个底煎得唔错，一啖一只，讲真我揾唔到有咩缺点。总结嚟讲，我哋两个人晚餐食咗$300，有两个拉面同埋两款小食，以味道同埋食物质素嚟讲我觉得性价比几高几抵食，我下次都一定会再嚟食返呢个芫荽拉面。