魔膳廚房 (已結業)

已经系第二次嚟到魔膳厨房，呢度新推出左午市嘅自助餐，款式多箩箩，净系热食都有15款，而且仲有沙律吧同埋面包可以选择，最后仲有每人一杯嘢饮添。食咗个日式炒乌冬乌冬炒得好香而且色泽均匀，有少少洋葱作伴，惹味非常。令我食咗泰式鱼饼，唔使点甜酸酱都好入味，够晒弹牙！用来做小食送嘢饮就最好不过。仲有个牛颊肉配小红萝卜，平时成日食牛尾，都比较少食到呢啲据骨胶原而且非常腍嘅牛脸，每件大小适中。令我最估唔到呢度有菠萝炒饭，大大粒菠萝配埋咖喱黄色嘅米饭。估唔到呢度都可以食任食瑞士鸡翼，仲有鸡扒食添，热辣辣！瑞士汁唔会太杰身，好入味，鸡翼肉白有咬口又够大只，当然仲可以送白饭啦。嘢饮方面有啲特饮需要加钱，但系都只系加$3，我叫咗水果红茶芒果士多啤梨，水果茶包好香甜，热杯载着红茶，赏心悦目，最适合同朋友一齐慢慢叹。